Албан татвар төлөгч

Дараах статустай иргэн, хуулийн этгээд “үл хөдлөх эд хөрөнгийн татвар төлөгч"-өөр бүртгүүлэх боломжтой байна. Үүнд: 

• Монгол Улсын иргэн
• Гадаадын иргэн, харьяалалгүй хүн
• Монгол Улсад оршин суугч бус этгээд
• Төрийн бус байгууллага,
• Шашны байгууллага,
• Гадаадын хөрөнгө оруулалттай аж ахуйн нэгж байгууллага, тэдгээрийн төлөөлөгчийн газар
• Компани, Нөхөрлөл, хоршоо
• Төрийн болон орон нутгийн өмчит хуулийн этгээд, сан байна.

Татвар төлөгчөөр бүртгүүлээгүй бол НЭВТРЭЛТИЙН НЭГДСЭН СИСТЕМ-ийн татвар төлөгчийн бүртгүүлэх цэсээр бүртгүүлнэ.

Үл хөдлөх (газраас бусад) эд хөрөнгийн үнэлгээ

 Газраас бусад үл хөдлөх эд хөрөнгийн албан татвар ногдуулах үнэлгээг дараах зарчимаар тодорхойлно.

Үүнд: 

• Үл хөдлөх эд хөрөнгийн бүртгэлд бүртгэгдсэн үнийн дүнгээр
• Хөрөнгийн даатгалд даатгуулсан үнийн дүнгээр
• Данс бүртгэлд бүртгэгдсэн үнийн дүнгээр тус тус тодорхойлно.

Татвараас чөлөөлөгдөх эд хөрөнгө

·        улсын болон орон нутгийн төсвөөс санхүүждэг хуулийн этгээдийн үл хөдлөх эд хөрөнгө;

• орон сууц, нийтийн эзэмшлийн барилга байгууламж;
• үйлдвэрлэл, технологийн паркийн удирдлага, нэгжийн үйлдвэрлэл, технологийн парк; доторхи барилга байгууламж, бусад үл хөдлөх эд хөрөнгө;
• чөлөөт бүсэд баригдаж бүртгэгдсэн барилга,байгууламж;

Үл хөдлөх эд хөрөнгийн албан татвараас хөнгөлөх 

• гэр бүлийн хэрэгцээний зориулалтаар иргэнд өмчлүүлсэн газар;
• нийслэлд 95 хувиар;
• аймгийн төвд 97 хувиар
• сумын төв, тосгонд 98 хувиар.
• газар тариалангийнхаас бусад аж ахуйн зориулалтаар иргэнд өмчлүүлсэн газар
• нийслэлд 30 хувиар;
• аймгийн төвд 70 хувиар;
• сумын төв, тосгонд 85 хувиар;
• газар тариалангийн зориулалтаар иргэнд өмчлүүлсэн газрыг 95 хувиар;

Эх сурвалж: www.mta.gov.mn